लण्डनका डबलडेकर बसमा नेपालको प्रचार

लण्डन सहरमा चल्ने डबल डेकर बसमा नेपालको पर्यटन प्रचारका सामाग्री राखिएको छ । नेपाली दूतावास लण्डन र पर्यटन प्रवद्र्धन विभागले उक्त प्रचार सामाग्री राखिएको बताइएको छ । नेपालमा धेरै भन्दा धेरै पर्यटक भित्र्याउने उदेश्यले यो अभियान सुरु गरिएको नेपाली दूतावासले जनाएको छ ।

लन्डनका डबल डेकर बसहरुमा गरिएको यो प्रचारले लण्डन बाशीहरु मात्र नभई यहा आउने पर्यटकहरु लाई समेत आकर्षित गर्ने बताइएको छ । ट्राफाल्गर स्क्वायर, केन्जिङटन, लिभरपुल इस्टिट, बन्ड इस्टीट, अक्स्फड इस्टीट जस्ता पर्यटकहरु आगमन हुने शहरका बसमा यो प्रचार देख्न सकिन्छ।
केही समयअधि मात्र नेपाल एम्बेसिले जोग्राफिकल म्यागजिन फर द टुरिजम प्रमोसन नामको म्यगजिनमा नेपालको पर्यटन प्रबर्द्धन गर्न लेख प्रकाशित गरेको थियो । जस्मा नेपाल र नेपालीहरू को  कला सस्कृतीको बारेमा जानकारी दिइएको थियो। त्यसैगरि नेपालमा गर्न सकिने अनुसन्धान मुलक कार्य, सहसिक यात्रा र अन्य विविध विषयको बारेमा बयान गरिएको थियो।